ياصاحبي لاتشتكي الوقت..

ياصاحبي لاتشتكي الوقت والحال
خل الذي في قلبك اليوم خافي
ما كل حكيٍ يا ابيض القلب ينقال
و لا كل عمرٍ من شقى الحال غافي
رح و اشتكي للي له الكل رحال
و ارفع كفوفك له ترى الله كافي
و اعرف ترى كلٍ من همومها شال
و لا عاد شفت اللي من الهم صافي
ما انت الوحيد اللي شكى الوقت و الحال
و ما انت الوحيد اللي له الوقت جافي
اكذب عليك ان قلت لك خالي البال
ياما مشيت الدرب و النور طافي
همي ب يالخوي اتعب الحال
دمعي بعيني رقص اليوم قافي
انت الرفيق اللي بهالكون ما مال
لا ضاق صدري منهم القاك لافي
ترى غلاك اليوم ثابت و لا زال
و لا عاد ابي ربع القلوب المقافي
خذني يمينك وابشر بذرب الأفعال
لأمشي معك لو وين كان انجرافي
أقسم قسم انك على الراس تنشال
خذ من قصيدي وشوف جل اعترافي

ياصاحبي لاتشتكي الوقت.. 91564583

» اغتنام الوقت الواحد في أكثر من عبادة
» إدارة الوقت '' محمد أمين عمارة ''
» بودبوز : احتاج لمزيد من الوقت ولعبي للجزائر غير مجرى حياتي